Sum dátuábyrgdari er tað skyldan hjá Heilbrigdi at tryggja, at viðgerðin er í samsvari við reglurnar í dátuverndarlógini og at tann skrásetti er kunnaður um hvat er skrásett um viðkomandi sambært ásetingunum í kap. 4 í dátuverndarlógini.
Vit taka tína dátuvernd í álvara, og hava tí samtykt hendan privatlívspolitikk, sum sigur tær, hvussu vit handfara tínar persónupplýsingar.
Heilbrigdi er dátuábyrgdari fyri viðgerðina av teimum persónupplýsingum, ið vit hava móttikið um teg. Um tú hevur spurningar í sambandi við viðgerðina av persónupplýsingum, dátutrygd ella møguligum trygdarbroti, ert tú vælkomin at seta teg í samband við okkum.
Heilbrigdi
Norðuri á Heyggi 3
176 Velbastaður
T-post: heilbrigdi@heilbrigdi.fo
Telefonnummar: +298 328055
Heilbrigdi viðger persónupplýsingar í sambandi við okkara virksemi, harundir tær uppgávur, sum vit sum stovnur hava skyldu at loysa og tær tænastur stovnurin hevur skyldu ella hevur avgjørt at veita tær. Her er talan um nógvar ymiskar tænastur og er alt frá: Avrúsing, Grundviðgerð, Eftirviðgerð, Familjuviðgerð, Akupunktur og onnur tilboð, sum stovnurin veitir sjúklingum og avvarandi.
Tað kann verða at stovnurin hevur gjørt eina avtalu við teg, og tí er neyðugt hjá okkum at fáa persónupplýsingar um teg.
Eisini kann tað verða at tú hevur sent stovninum, ein fyrispurning, eina umsókn, eina klagu, ella eina starvsumsókn, o.s.fv. sum ger at stovnurin skal viðgera tað tú sendir inn sum eitt mál og hetta ger at tínar persónupplýsingar verða viðgjørdar.
Stovnurin kann eisini viðgera eitthvørt mál har tú ert ein partur av málinum, tá verða tínar persónupplýsingar eisini viðgjørdar.
Heilbrigdi skal veita sjúklingum og av allar lógarásettar tænastur og veitingar, og tí er tað neyðugt hjá stovninum at viðgera tínar persónupplýsingar.
Tí eru tað fleiri ymisk endamál fyri, at vit viðgera tínar persónupplýsingar:
Lógir, kunngerðirnar o.a. sum Heilbrigdi arbeiðir undir, eru millum annað:
Tað kunnu sum víst omanfyri verða ymsar persónupplýsingar sum stovnurin viðger og heimildargrundarlagið er eisini ymist.
Vit viðgera hesi sløg av persónupplýsingum um teg:
Heilbrigdi gevur í útgangsstøðinum ikki persónupplýsingar víðari, sum stovnurin hevur savnað í sambandi við ítøkiliga málsviðgerð.
Í ávísum førum er tað tó neyðugt fyri at halda skyldurnar í t.d. fyrisitingarlógini, ella lóg um alment innlit osv, at vit senda persónupplýsingar til annan myndugleika ella triðjapersón. Tað eru tá bert neyðugar upplýsingar, sum verða givnar víðari.
Harafturat nýta vit í summum førum dátuviðgerar, sum hjálpa okkum við at viðgera tínar upplýsingar á góðan og tryggan hátt. Tað kann m.a. vera goymsla av persónupplýsingum, ella um vit fáa hjálp frá uttanhýsis ráðgevum til málsviðgerð.
Heilbrigdi sendir í útgangsstøðið ikki persónupplýsignar til veitarar ella dátuviðgerarnar, sum halda til uttan fyri ES/EBS (triðjalond).
Um so er at vit flyta tínar upplýsingar út um ES/EBS, fara vit at tryggja okkum nøktandi heimildargrundarlag fyri flutninginum – hetta merkir, at vit tryggja okkum, at verndarstøðið av tínum upplýsingum er nøktandi.
Sum áður nevnt, so heintar stovnurin tínar persónupplýsingar, og fyri tað mesta eru tær beinleiðis frá tær, men tær kunnu eisini verða frá øðrum.
Í onkrum førum fær Heilbrigdi persónupplýsingar um teg um vit skulu viðgera eitt mál sum tú á ein ella annan hátt, ert ein partur av. Tá kunnu persónupplýsingarnar verða komnar frá øðrum almennum myndugleikum ella felagsskapum, sum til dømis frá, Sjúkrahúsverkingu, TAKS, ella frá landsfólkayvirlitinum, ella frá tí, sum hevur lagt málið fram fyri okkum.
Tú hevur altíð rætt til at vita, hvaðani vit heinta upplýsingar um teg.
Heilbrigdi hevur skyldu at ansa eftir, at persónupplýsingar verða goymdar soleiðis, at tað ikki er gjørligt at eyðmerkja skrásetta longur enn neyðugt við atliti at endamálinum við viðgerðini.
Sum almennur myndugleiki skjalførir Heilbrigdi post, sum kemur inn og fer út. Í hesum sambandi fylgir Heilbrigdi galdandi leiðreglum fyri, hvussu leingi upplýsingarnar skulu goymast.
Heilbrigdi hevur sambært sundhedsloven, fyrisitingarlógini og skjalasavnslógi o.ø. skyldu at varðveita upplýsingar í málum. Mál hjá Heilbrigdi verða flutt á goymslu hjá Tjóðskjalasavninum sambært løgtingslóg um skjalasøvn. Tá ið upplýsingarnar eru goymdar á Tjóðskjalasavninum ella vrakaðar, hevur Heilbrigdi ikki longur atgongd til upplýsingarnar.
Starvsumsóknir hjá teimum, sum ikki fingu starv hjá okkum, verða burturbeindar eitt ár eftir, at Heilbrigdi tók avgerð í málinum.
Sambært dátuverndarlógini hevur tú rættindi í samband við okkara viðgerð av tínum persónupplýsingum.
Dátuverndarlógin tryggjar skrásettum eina røð av rættindum. Hesi eru í kapittuli 4 í dátuverndarlógini. Rættindini í dátuverndarlógini eru lýst niðanfyri. Rættindini eru ikki treytaleys og tað veldst um ítøkiliga málið og ítøkiligu umbønina, um hon kann gangast á møti.
Um tú ynskir at nýta tíni rættindi, skalt tú seta teg í samband við okkum (sí samskiftisupplýsingar í brotið 1 og 2).
Tú hevur rætt til at fáa kunning um viðgerð av tínum persónupplýsingum.
Tú hevur rætt til at fáa innlit í tær upplýsingar, sum vit viðgera um teg.
Tú hevur rætt til at fáa rangar upplýsingar um teg sjálvan rættaðar.
Í summum førum hevur tú rætt til at fáa upplýsingar um teg sjálvan strikaðar, áðrenn okkara ætlaðu striking. Rætturin er ikki treytaleysur, tí tað kunnu verða aðrar lóggávur, avtalur og ávís endamál sum áseta at stovnurin skal framhaldandi varðveita og viðgera tínar persónupplýsingar.
Í summum førum hevur tú rætt til at fáa viðgerðina av tínum persónupplýsingum avmarkaða. Um tú hevur rætt til at fáa viðgerðina avmarkaða, kunnu vit framyvir í útgangsstøðinum bert goyma persónupplýsingarnar.
Tú hevur í summum førum rætt til at fáa tínar persónupplýsingar útflýggjaðar í einum skipaðum, vanligum nýttum og teldutøkum sniði, og at fáa hesar persónupplýsingar fluttar frá einum dátuábyrgdara til ein annan uttan forðing.
Tú hevur í summum førum rætt til at mótmæla okkara viðgerð av tínum persónupplýsingum.
Tú kanst eisini mótmæla okkara viðgerð av tínum persónupplýsingum til beinleiðis marknaðarføring.
Skrásetti kann til eina og hvørja tíð taka samtykki aftur. Tekur skrásetti samtykki aftur, skal viðgerð, sum er grundað á samtykki, steðga. Um tú velur at taka títt samtykki aftur, ávirkar tað ikki løggildi av okkara viðgerð av tínum persónupplýsingum fram til afturtøkuna. Um tú tekur títt samtykki aftur, hevur tað bert virknað fyri framtíðina.
Tú kanst taka samtykki aftur við at venda tær til okkum á heilbrigdi@heilbrigdi.fo, ella á telefon +298 328055
Tú kanst sambært § 76 í dátuverndarlógini klaga til Dátueftirlitið um tú ert ónøgd/ur um viðgerð av tínum persónupplýsingum.
Metir tú, at Heilbrigdi ikki viðger tínar persónupplýsingar í samsvari við reglurnar í dátuverndarlógini, hevur tú rætt til at klaga til Dátueftirlitið hesum viðvíkjandi. Tú kanst klaga um viðgerð, við at venda tær til Dátueftirlitið á dat@dat.fo ella á telefon 30 91 00. Heimasíðan hjá Dátueftirlitinum er www.dat.fo
———
Seinast dagført 18. oktober 2024
